伯伯好多衫都係Gap買，做得人阿媽實知道Gap d bb衫一Sale就平得好誇張，
伯娘呢啲窮C9當然唔會放過喇！
但由於去九展實在要攀山涉水，一丁友帶住阿伯實在戰鬥力急跌啊，
唯有等埋伯父星期日放假，亦係伯伯11個月大的8月21日同我地一齊去九展～
 |
| 真係好多人啊，見到都想縮沙。 |
是日等阿伯慢慢blw完個意粉都成點幾兩點，
再加上伯父又唔記得要來有269C出到九龍灣，
我地兜兜轉轉去到九展個陣已經成4點半，
去到見到Gap門口排哂勁多人，個下真係好想走人
但係見到門前掛住：80％OFF 真係太吸引人，所以！堅！持！
等緊個陣見到好多媽媽帶埋BB黎，相信都係想買啲衫比BB，
等左大約15分鐘就已經入到去喇（唉！個陣仲心諗點解咁快，後來終於明白）
等緊時比左波波米塞住阿伯個把口！
 |
| 真係走失都好易認得返呢兩父女！一樣樣嘅？ |
入到去，其實都心知不妙，
原來個場好細，而且我完全見唔到有賣BB衫播！
點知原來係最角落頭，然而我見到的只有20件左右嘅小童衫，
當中無一件係岩1歲BB嘅，
而且20件中有15件係同一個款，
個款仲要真係好老套（格仔衫，有小小似醫院衫，相信都係因為咁無人要）
之後見到有好多紙皮箱，入邊放左唔同野，當中有少少係BB野黎，
但係非常亂，我可以話係好似摷緊垃圾咁得人驚，
但為左唔好白黎一埸，我最後係紙皮箱都揀左對襪，之後比錢就走左，
我只係行左5分鐘，難怪咁快入到去喇～
不過其實有好多大人款，只係都係啲好普通冷衫同大碼SIZE，
所以我都無特別留意了～
可能我太大期望喇，因為平時Gap Sale都有好多靚款衫仔買咖嘛！
之後我地見到Gap隔離係Palladium，
伯父一直好想買返對，而係店外見到都有幾多靚款，
好多都只係200幾至300，所以我就陪伯父入去行下，
不過都係要掛隊，而且仲排左成半個鐘有多，
唉，阿伯就不定地扭計，連阿伯都嫌悶啊！但伯父又好想入去播！
最後入到去，哇～其實真係好抵好多款揀，
BB鞋只係$129就有對喇～
伯娘同伯父咁中意Palladium，仲唔即買對比伯伯～
不過原來想買藍色但係得返最後一對仲要係污糟左
 |
| 嚴重色差，哈哈，由粉紫變左粉紅色啊，如果有呢隻粉紅色真係迷死人 |
 |
| 終於影到無色差喇，其實都好靚咖，不過伯伯真係好似男仔！ |
伯伯終於有得食，食完自己啲雞翼仲要食多左三舊海南雞，
 |
| 未食飯，先興奮？！ |
 |
| 最愛食雞的伯伯 |
 |
| 哇，你洗唔洗啊，食到啜手指。 |
食完飯就係時候返屋企喇，伯伯宜家好早就訓，今日就要委屈佢係車上邊訓陣喇～
 |
| 訓到個樣變哂型添 |
